30 kabuok nga
bag-ong strollers ang nadawat sa mga
bata nga ekslusibong gipasuso sa inahan ug mga bata nga adunay mga espesyal nga
panginahanglan.
Gipahigayon ang
turn-over sa conference room sa City
Health Office sa Mati, Davao Oriental nga gipangunahan ni Congressman Mayo Z.
Almario sa Distrito Dos sa probinsya ingon man sab ni City Health Office Head
Dr. Benhur G. Catbagan ug Department of Health Representative Roger Palec.
 |
| (c) Roger Palec |
Nag gikan sa pili
nga mga lugar sa Barangay Central sa Mati ang mga nakadawat sa strollers ug na pili base sa criteria sa CHO – kinahanglan nga
ekslusibong gipasuso sa inahan ang bata ug adunay espesyal nga paninahanglanon
tungod sa medikal nga kondisyon (Cerebral
Palsy, Down Syndrome, ug uban pa.)
 |
| (c) Roger Palec |
Sa programa, gipasabot
ni Almario nga ang mga strollers napaabot
tungod sa kamanggihatagon sa SM Foundation, Inc. inubanan sa Children
International-Philippines, Inc. diin ang Program Coordinator kay higala ni Congressman
Almario.
“Di nako ma saysay
ug sakto ang akong gibati pagkakita nga dako kaayo ug impact ang usa ka simple nga butang sa mga inahan hilabi na sa mga
inahan nga adunay mas dako ug espesyal ang panginahanglanon kaysa uban,” suma
pa ni Almario.
Mipaambit usab
si Almario sa iyang kasinatian isip usa ka amahan diin nahimuot ug nalipay sab
ang mga inahan nga nakaagi ug nakasabot sa kalipay ug kalisod nga masinati sa usa
ka ginikanan. Ayha matapos ang hamubong
programa, gipangutana ni Almario ang mga inahan nga kursunada mubalik o padayon
ug skwela dala pagpasabot nga makatabang ang programang MAYOng Edukasyon para sa MAYOng Kaugmaon sa ilang panginahanglanon
sa bayrunon sa pagskwela.
“Ang edukasyon
walay gi-ila nga edad o estado sa kinabuhi. Kini usa sa mga pinaka importante
nga butang nga ma pasa sa usa ka ginikanan sa iyang mga anak ug way lain nga
makakuha ani kanila. Isip ginikanan, hatagan nato atung mga anak ug edukasyon
nga ilang gikinahanglan ug ilang katungod,” hinapos ni Almario.
