PASADO na sa
ika-tulo ug katapusang pagbasa sa House of Representatives ang balaudnon sa hugot
nga pagparehistro sa Subscriber Identity Module (SIM) Card.
Ang House Bill No.
7233 o ang “SIM Card Registration Act” nagmando nga ang tanan Public Telecommunication
Entities (PTEs) ug mga direkta nga tigpamaligya obligado nga pangayuan ug balido
nga ID (nga adunay litrato) ang mga mupalit ug SIM card. Diha sa pagpalit, obligasyon
sa namaligya ang mu-record sa tibuok ngalan, petsa sa adlawng natawhan,
kasarian, ug puluy-anan sa mipalit sama sa mga impormasyon nga makita sab sa ID
nga gi-tanyag sa gobyerno. Sakop sab sa maong balaudnon ang mga foreign nationals nga kinahanglan sab ipakita
ang passport ug isumite ang SIM card
registration form. Tanan usab nga aduna nay prepaid SIM cards obligado nga
i-rehistro ang SIM sa matag PTEs kun dili gusto nga makasinati ug automatic deactivation para sa mga dili maka
rehistro sulod sa usa gitaknang higayon.
 |
| (c) alldaywifi.com |
Si Congressman
Mayo Z. Almario sa Distrito Dos sa Davao Oriental, usa sa mga prinsipal nga nagsulat
ug nagmugna sa balaudnon, mipasabot nga ang maong balaudnon gipasa tungod sa
tumong nga makatabang sa mga law
enforcement agencies diha sa pag sikop mga kriminal nga migamit ug
cellphone diha sa paghimo ug krimen.
“Dakong tabang
ang mga cellphones diha sa mga katawhan,
apan, di sad malikayan nga abusaran sa mga tao nga adunay di maayong tumong. Isip
mambabatas, pinaagi ani nga balaudnon kita makatabang sa pag protekta sa mga
Pilipino kontra mga criminal ug dauta’ng elemento,” matod pa ni Almario.
“Pinaagi sa
pagparehistro sa mga SIM cards diha sa pagpalit, nanghinaot ta nga mamahimo
kining babag diha sa mga adunay plano maghimo ug dautan tungod kay sayon na
sila ma-tultulan sa awtoridad.”
Ang House Bill
No. 7233 nipasa sa Kongreso niadtung May 16, 2018. Adunay bersyon sa senado nga
kinahanglan ipasa ug aprubahan aron pirmahan sa Presidente ayha mahimong balaod
ang maong balaudnon.
