OPISYAL nga gisugdan ang pagpananom sa kinatibuk-an sa Distrito Dos sa Davao Oriental pinaagi sa Ceremonial Tree Planting ug Launching sa Enhanced National Greening Program – Urban Greening Program niaging Biyernes, Disyembre 7, 2018 sa Sitio Mangguihay, Bobon, Mati, Davao Oriental.
 |
| Right before the ceremonial tree planting, there was an overview of the project given to the community. |
Ang Enhanced National Greening Program dinhi sa Distrito Dos gikan sa niaging National Greening Program nga mas gipanindot tungod kay ang pagpananom ug mga punuan, 30% lamang sa bukid pagahimuon ug 70% sa patag/sentro (Urban areas). Ang mao’ng kausaban gipasiugdahan ni Congressman Almario aron mas makita ug mabati sa mga taga Distrito Dos ang importansya ug kabug-aton sa tree planting nga programa.
Gawas sa pinaka tumong nga ma alibyuhan ang kainit sa panahon ug pagka upaw sa kabukiran, tumong usab sa programa nga mailhan ang probinsya sa mga maanindot nga indigenous tree species sama sa Palawan Cherry, Golden Shower, Ypil, Molave, Narra, etc., butang nga makadugang atraksyon sa mga turista nganhi sa Davao Oriental.
 |
| CENRO Mati Zaldy Lumaan assists Congressman Mayo Almario during the ceremonial tree planting. |
“Muingon na ko daan ninyo, PENRO, CENRO, ug kaninyong tanan nga ani-a karon nga espesyal ni nga proyekto, pag expect mo sa akoa ug sa akong opisina nga mag apil kay gawas sa dako nga pondo ang atung gihisgutan, kinabuhi sa mga punuan, kaugmaon sab sa atoang mga kabataan ang nakataya ani nga programa” matod pa ni Almario sa iyahang mensahe.
Si Almario, isip representante sa Distrito Dos ngadto sa hawanan sa kongreso, mao ang naninguha nga magahinan ug dakong pondo ang distrito alang ani nga programa. Tungod sab sa maayong relasyon ni Almario kay DENR Secretary Roy Cimatu ug kay DENR-XI Regional Director Ruth Tawantawan mao nga gi-dasig sa kongresman ang tanan nga himuon ang tanan aron magmalampuson ang programa.
Ang pagpananom diri sa Ciudad sa Mati gipahigayon na sa Barangay Taguibo ug Bobon ingon man sab sa Barangay Calapagan ug Marayag sa Munisipyo sa Lupon. Sa kinatibuk-an, 593 hektaryas ang target sa programa nga matamnan.
“Aduna’y mga identifying tree species sa matag munisipyo ug sa Ciudad sa Mati timailhan nga nakaabot na ang ga biyahe sa Banaybanay, Lupon, San Isidro, Gov Gen, ug Mati,” dugang ni Almario.
 |
| Congressman Almario with PENRO, CENRO, and other stakeholders |
Sa tibuok Rehiyon XI, dinhi lang sa Distrito Dos sa Davao Oriental ang adunay Urban/Highway Greening nga inisyatibo ang gidugang sa Enhanced National Greening Program.
