SUNOD-SUNOD nga pagpahigayon ug area ug seedling inspection, suportado ni Congressman Almario. Gihugtan ang implementasyon sa "Enhanced National Greening Program" pinaagi sa pagsusi sa mga lugar ug pag-andam sa mga kalidad nga klase sa semilya sa Falcatta, Durian, Rambutan, ug Rubber nga maoy itaom sa mga kabukiran nga nahutdan na ug mga punuan sa kahoy.
 |
| Photo (c): Nathaniel Quinones |
Ang mga gipahigayong pagsusi nahitabo sa nagkalain-laing lugar sa Distrito Dos sa Davao Oriental ug gipangunahan sa opisina sa CENRO-MATI inubanan sa suporta sa opisina sa 2nd District Congressional Office.
Sumala kay Congressman Almario, suportado niya ang tanang inisyatibo sa pagpananom ug kahoy ug uban pang mga kalihukan nga makapalambo ug makatabang sa pagprotekta sa kinaiyahan. "Kinahanglan nga tutukan ug tagaan ug bili kini nga programa hilabi na nga panahon na sa ting-ulan."
 |
| Photo (c): Nathaniel Quinones |
Dakong panghinaot sa congressman nga ang tanang lumulupyo sa Davao Oriental makaamgo sa importansya sa pagpananom ug pag amuma sa mga kakahuyan karon ug para sa mga umaabot nga henerasyon. ~SME
