NAHATAGAN ug bag-ong paglaum ang mga empleyado sa
gobyerno nga casual o job order appointed nga mamahimong
permanente o regular tungod sa
pagpasa sa House Bill No. 6622.
Usa ka balaudnon
House Bill No. 6622 ang gi-file ni
Congressman Mayo Z. Almario sa Distrito Dos sa Davao Oriental sa Congress
niaging Oktubre 19, 2017 aron mahatagan ug higayon nga mamahimong permanente o regular ang mga casual o job order appointed
nga mga empleyado sa gobyerno nga naghatag ug maayong pagpanerbisyo sulod sa
kapin 12 ka tuig.
Matod pa ni
Almario, “Ang pagpasa ani nga balaod maghatag ug saktong pagtagad sa mga
naka-master na sa ilang mga duties and
responsibilities isip empleyado sa gobyerno apan sa di mabal-ang rason, dili
gyud makapasar sa CSC (Civil Service Commission) Eligibility exams ug tungod
niani, dili sab kwalipikado mahatagan ug plantilla
positions.”
Dugang pa sa
Kongresman, “Tanan nga empleyado nga naka abot na sa gipangayo nga kadugayon sa
pagpanerbisyo kay mahatagan ug civil
service eligibility equivalent sa ilang pagpanerbisyo aron makakuha sab ug permanent appointments.”
Kini nga
balaudnon kay applicable sa tanang
empleyado sa gobyerno apil na ang mga nanarbaho sa local government units. Ang gipangayo nga kadugayon sa
pagpanerbisyo sa balaudnon gikonsiderar sab ang mga kondisyones sa mga local nga
buhatan sa mga opisyales sa gobyerno lakip na ang mga appointing authorities aron masigurado nga ang mga tinuod nga kabalo
ug maayo ra gyud sa ilang mga trabaho ang mahatagan ug permanenteng posisyon.
 |
| From Bill to LAW Photo (c): manilarules.com |
Dugang ni Almario nga inig ma aprubahan ug mamahimong balaod ang House Bill No. 6622, mutaas ang moral sa mga empleyado sa gobyerno hinungdan nga daghan ang maningkamot sa paghatag ug sakto ug maayong serbisyo publiko.
